Адатта, дем алуу жолдорубуз суюктук менен капталган. Бул биздин организм үчүн нормадагы көрүнүш. Бул суюктук (же былжыр) ар дайым организмибизде бөлүнүп чыгып турат. Ал суюктуктун эң башкы кызматы - бизди аба аркылуу кирип жаткан микроб, вирус жана башка түрдүү зыяндуу заттардан коргоо. Дени сак абалда жашап жатканыбызда биз бул суюктукту сезбейбиз деле. Качан гана ооруп калганыбызда ооруну тезирээк айыктыруу үчүн организм  суюктукту көп бөлүп чыгарып, жыйынтыгында ал суюктук какырыкка айланат.

Какырык: 

- Микробдор (вирустар, бактериялар) киргенде бул суюктук көбөйөт, анткени канчалык микроб көп кирсе, ошончолук организмди коргоого көбүрөөк күч керектелет;

- Какырык - трахеобронхиалдык дарактан патологиялык агып чыгуучу секрет;

- Какырык дем алуу жолдорунун курч жана өнөкөт ооруларында пайда болот. Мисалы, бронхит, пневмония, астма, ХОБЛ, бронхоэктаз, өпкө абсцесси ж.б.