Көңүл бургула!

 

Бул Макулдашуунун шарттарын кабыл ала элегиңизде сизге маалымдалат жана сиз бул сайтта / тиркемеде берилген консультациялар медициналык консультация статусуна ээ эмес экенине макулдугуңузду бересиз, анткени алар медициналык кийлигишүүсүз, колдонуучуларды текшерүүсүз аралыктан жүргүзүлүп, медициналык жабдууларды колдонуу менен медициналык диагноз коюуга, дары-дармек жазып берүүгө багытталган эмес, ар кандай медициналык кеңештерди берүү, ооруга байланыштуу (абалга) Колдонуучулар үчүн жеткиликтүү. Консультациялар сайтка/бетке Колдонуучулардын маалыматтык муктаждыктарын саламаттык сактоо тармагында ишке ашырууга, ошондой эле аларга өз ресурстарын (убактысын, финансылык ж.б.) акылга сыярлык пландаштыруу жана медициналык мекемелерден медициналык кызматтарды алуу ниети жөнүндө чечим чыгаруу мүмкүнчүлүгүнө түрткү берүүгө багытталган. Консультациянын жүрүшүндө берилген маалыматтар маалымат иретинде гана жана медициналык отчет же консультация протоколу болуп эсептелинбейт, сайтка келгендер үчүн алардын ден соолугуна же башка адамдын ден соолугуна байланыштуу кандайдыр бир чечимдерди кабыл алууга негиз боло албайт жана болбошу керек, анткени бул маалымат жөн гана алдын ала жана багыттоочу болуп саналат, расмий медициналык натыйжалардын негизинде тастыкталышы жана (же) өзгөртүлүшү керек.

 

Макулдашуу https://apps.apple.com/kg/app/turabekov/id1615716793 домен аты менен жайгашкан мобилдик тиркемеге маалыматтык кызмат көрсөтүүнүн  шарттарын жөнгө салат.

 

Макулдашуу МБП "Медлит" жоопкерчилиги чектелген коомунун (Каттоо номери: 01916478, ИСН: 01105202310328, ИУЖК коду 31432147 каттоо датасы 2023-жылдын 5-майында "Кызмат көрсөтүүчү" деп аталган) жана бул сайтты жана мобилдик тиркемени Колдонуучунун ортосунда түзүлөт.

Колдонуучу - бул сайтка/тиркемеге кирген, аккаунт каттаткан, тиешелүү кызматка буйрутма берген жана төлөм аткарган жашы жеткен, укуктук жөндөмдүү жеке адамды билдирет.

 

1. Негизги жоболор
   1. Бул Макулдашуу коомдук сунуш болуп саналат, анын ичинде ар кандай каражаттар менен сайттын беттерине / тикемеге кирүү мүмкүнчүлүгүн ар бир жүзөгө ашыруу, макулдашуунун толук жана сөзсүз кабыл алынышын билдирет.
   2. Макулдашуу Колдонуучунун жана Кызмат көрсөтүүчүн укуктарын жана милдеттерин, ошондой эле Колдонуучунун иш-аракеттеринин натыйжасында укуктары жана кызыкчылыктары таасир этиши мүмкүн болгон үчүнчү жактар менен мамилелерди жөнгө салат.
   3. Макулдашуу Кызмат көрсөтүүчү тарабынан алдын ала эскертүүсүз эле Макулдашуунун жаңы редакциясын ошол эле дарекке жайгаштыруу жолу менен өзгөртүлүшү мүмкүн. Макулдашуунун жаңы редакциясы, эгерде макулдашуунун жаңы редакциясында башкача каралбаса, ал Интернет тармагына/ тиркемеге жайгаштырылган учурдан тартып күчүнө кирет.
   4. Макулдашуунун колдонуудагы редакциясынын шарттарына толук же жарым-жартылай макул болбогон Колдонуучу сайтты/тиркемени кандай болбосун пайдаланууну токтотууга милдеттүү.

 

1. 1. Колдонуучу Макулдашуунун шарттарын бузса, мындай Колдонуучунун аккаунтуна кирүү токтотулат же жок кылынат, ошондой эле алдын ала эскертүүсүз толугу менен же жарым-жартылай алып Сайтка/тиркемеге кирүүсү чектетилиши мүмкүн.

 

2. Келишимдин предмети

2.1. Кызмат көрсөтүүчү, Колдонуучунун өтүнүчү боюнча жана ал тарабынан даярдалган суроолордун негизинде, тиешелүү билим чөйрөсүндөгү адистер даярдаган медицина жана саламаттыкты сактоо тармагынан маалымат берет.

 

Маалымат оорулардын ар кандай түрлөрү, алардын мүнөздүү симптомдору, дарылоонун жана диагностикалоонун адатта колдонулган ыкмалары, өзгөчө табиятын, башка маалыматтары жөнүндө маалыматтарды камтышы мүмкүн.

 

2.2. Колдонуучуга маалымат берүү мөөнөтү өтүнмө катталган күндөн тартып күндөр менен чектелбейт.

2.3. Кызмат көрсөтүүчү, медициналык жардам жана медициналык кызматтарды, анын ичинде оорунун алдын алуу, диагноз коюу, ооруларды дарылоо, бейтаптарды калыбына келтирүү, ошондой эле медициналык кийлигишүү кызматтарынын ар кандай  түрлөрүн көрсөтпөйт.

Маалымат кызматтарын көрсөтүүдө алынган ар кандай маалыматтарды диагноз коюу отчету, дарылоо планы, медициналык кийлигишүү, алдын алуу жана калыбына келтирүү боюнча сунуштар катары кароо мүмкүн эмес.

 

Көңүл буруңуз, каршы көрсөтмөлөр болушу мүмкүн, дарыгер менен бетме-бет кеңешүү зарыл.

 

3. Тараптардын укуктары жана милдеттери

3.1. Кызмат көрсөтүүчү милдеттенет:

3.1.1 Тандалган өтүнүч категориясына ылайык маалымат берүүгө.

3.1.2 Колдонуучунун өтүнүчүнө ылайык кызмат көрсөттүүчүнүн тандоосу боюнча видео-файл,  тексттик билдирүү түрүндөгү же башка жол менен маалымат берүүгө.

3.2. Колдонуучу милдеттенет:

3.2.1 Кызмат көрсөтүүчүнүн өтүнүчү боюнча түшүндүрмөлөрдү берүүгө, зарыл болсо, өтүнүчтү ачык-айкын жана так калыптандырууга.

3.2.2 Көрсөтүлгөн кызмат үчүн төлөмдөрдү өз убагында жүргүзүүгө.

3.2.3. Колдонуучуга сайттын нормалдуу иштешине тоскоолдук кылууга багытталган аракеттерди жасоого тыюу салынат.

3.3. Кызмат көрсөтүүчүнүн укугу:

3.3.1. Кардарлардын документтеринен, түшүндүрмөлөрүнөн жана кызмат көрсөтүүлөрдүн сапаты үчүн зарыл болгон маалыматка байланыштуу кошумча маалыматтарды алууга.

3.3.2. Бул Келишимдин шарттарына ылайык Колдонуучуга көрсөтүлгөн кызматтар үчүн өз убагында жана толук төлөм алууга.

3.3.3 Керектүү адистин же маалыматтын жоктугунан, Колдонуучу Макулдашуунун өтүнүчүн аткарбаганда, Колдонуучунун өтүнүчү сайттын/тиркеменин темасы, дарылоо категорияларына туура келбеген жана башка ушул сыяктуу учурларда Кызмат көрсөтүүчү кызмат көрсөтүүдөн баш тартууга.

3.3.4. Кызмат көрсөтүүчү өз каалоосу боюнча жана алдын ала эскертүүсүз эле кызматтын функционалдуулугун жана аны берүү тартибин толуктоого, кыскартууга же башкача түрдө өзгөртүүгө укуктуу.

3.3.5. Кызмат көрсөтүүчү, эгерде Колдонуучу тарабынан сайтка/тиркемеге кирүү 6 айдан ашык катары менен жүргүзүлбөсө же Макулдашуунун шарттарын бузган учурда Колдонуучунун аккаунтун өчүрүп салууга укуктуу.

 

4. Төлөм

4.1. Көрсөтүлгөн маалыматтык кызматтардын наркы өтүнмөнүн категориясына, кызмат көрсөтүүнү тандоого жараша болот жана өтүнмө каттоо учурунда өтүнмө боюнча көрсөтүлөт.

4.2. Маалыматтык кызматтар үчүн төлөм Колдонуучу тарабынан 100% алдын ала төлөм шарттары боюнча, акча каражатын Кызмат көрсөтүүчүнүн эсебине накталай эмес которуу менен жүргүзүлөт.

4.3. Кызмат көрсөтүүчү төлөмдү толук алгандан кийин гана кызмат көрсөтүлө баштайт.

4.4. Колдонуучунун айынан кызмат көрсөтүү мүмкүн эмес болгон учурда, кызматтардын акысы толук төлөнүүгө тийиш. Ошондой эле төлөм акысы кайтарылбайт.

4.5. Аткаруу мүмкүн болбогондугуна тараптардын бири да жооптуу эмес шарттар пайда болгон учурда, эч кайсы тарап жооптуу болуп эсептелбейт. Колдонуучу, Кызмат көрсөтүүчүгө келтирилген чыгымды гана төлөп берет. 

 

5. Колдонуучунун маалыматтары

5.1. Колдонуучунун программалык камсыздоосу менен сайтка/тиркемеге берилүүчү техникалык маалыматтар, ошондой эле Колдонуучу сайтка/тиркемеге берген башка маалыматтар Кызмат көрсөтүүчүгө жеткиликтүү болот жана ал өзү каалагандай мыйзам менен тыюу салынбаган ыкмалар жана купуялык саясатына ылайык, анын ичинде Колдонуучуга көрсөтүлүп жаткан кызматтар боюнча жарнамаларды жөнөтүү үчүн пайдаланышы мүмкүн.

5.2.Колдонуучунун жеке маалыматтары жайылтылбайт, ошондой эле жеке маалыматтар субъектисинин макулдугусуз үчүнчү жактарга берилбейт жана Кызмат көрсөтүүчү тарабынан жеке маалыматтар субъекти менен келишим түзүү жана ушул оферта Макулдашуунун шарттарын аткаруу үчүн гана колдонулат.

5.3. Жеке маалыматтарды иштеп чыгуу саясаты "Купуялык саясаты" документинде төмөнкү даректе баяндалган https://………………

 

6. Тараптардын жоопкерчилиги

6.1. Аткарылбай калган милдеттенмелер үчүн Тараптар Кыргыз Республикасынын учурдагы мыйзамдарында каралган жол-жоболорго ылайык жооп беришет.

6.2. Кызмат көрсөтүүчү Колдонуучу тарабынан берилген маалыматтардын тууралыгына жана ишеничтүүлүгүнө, ошондой эле ал тарабынан даярдалган өтүнүчтүн тууралыгына жана толуктугуна жооптуу эмес.

 

7.Жарнама

7.1. Кызмат көрсөтүүчү алдын ала эскертүүсүз сайтка/тиркемеге өзү каалаган учурда  мыйзам негизинде ар кандай багытта сайтка/тиркемеге жарнамаларды жайгаштырууга укуктуу.

7.2.  Кызмат көрсөтүүчү каалаган убакта сайтта/тиркемеде жайгаштырылган жарнаманын ыкмасын, түрүн жана санын өзгөртүүгө укуктуу.

7.3. Кызмат көрсөтүүчү Колдонуучуга өзү көрсөткөн электрондук почта даректери боюнча кызматтарга тиешелүү маалыматтарды, ошондой эле үчүнчү жактардын жарнамаларын жөнөтүүгө укуктуу.

 

8. Жыйынтоочу жоболор

8.1. Кызматтар Кыргыз Республикасынын аймагында дайындалып, Колдонуучунучун жайгашкан жерине көз карандысыз (Кыргыз Республикасы жана чет олколор) кызмат көрсөтүлөт.

8.2. Макулдашуу электрондук билдирүүлөр менен алмашуу аркылуу түзүлөт. Колдонуучу кызмат үчүн акы төлөө иш-аракеттерин аткаруу менен Макулдашуунун шарттарын кабыл алат.

8.3. Макулдашуу Кызмат көрсөтүүчү тарабынан белгилүү бир маалымат берилгенден кийин аткарылган деп эсептелет

8.4. Макулдашуудан келип чыккан жана/же сайтка/тиркемеге байланыштуу бардык талаш-тартыштар тараптар талашты сотко чейин жөнгө салуу боюнча чараларды көргөндөн кийин доомат жөнөтүлгөн күндөн тартып 30 календардык күн өткөндөн кийин соттун чечүүсүнө берилиши мүмкүн.

8.5. Талаш-тартыш көрсөтүлгөн мөөнөттө жөнгө салынбаган учурда Кызмат көрсөтүүчү  жайгашкан жердеги соттун чечүүсүндө каралууга жатат.

 

9. Форс-мажор

9.1. Бир да Тарап бул Макулдашуу боюнча милдеттенмелерди аткарбагандыгы үчүн, башкача айтканда, тараптардын эркинен жана каалоосунан тышкары пайда болгон жана аны алдын ала айтууга же качууга мүмкүн эмес, анын ичинде жарыяланган же иш жүзүндөгү согуш, жарандык башаламандык, эпидемиялар, блокадалар, блокадалык шарттарга,  эмбарго, өрттөр, жер титирөөлөр, суу ташкындары жана башка табигый кырсыктар, ошондой эле мамлекеттик органдардын тыюу салуу актыларынын негизине байланыштуу милдеттенмелерди аткарбагандыгы үчүн башка Тараптын алдында жооптуу болбойт.

9.2. Форс-мажордун айынан өз милдеттенмесин аткарбаган Тарап мындай шарттар жана алардын Макулдашуу боюнча милдеттенмелерди аткарууга тийгизген таасири жөнүндө дароо башка Тарапка билдирүүгө тийиш.

9.3. Форс-мажор 3 (үч) ай бою үзгүлтүксүз уланса, бул Макулдашуу бир Тараптын башка Тарапка жазуу жүзүндөгү билдирүү жөнөтүү менен эки тараптуу да токтотулушу мүмкүн.