Акыркы учурларда пайдасынан зыяны көп, далилденбеген Анаферон аттуу дарыны көптөгөн ата-энелер балдарына берип жатышат. Эң өкүнүчтүүсү мындай коркунучтуу дарыларды врачтар сунуштап, наристелердин уулануусуна себепчи болушууда.

Ошондуктан бул дары тууралуу чындыкты айтып, пайдасыз дарыдан сактанууңуз үчүн макала даярдадым. 

Эмнеге бул дары далилденген эмес?

       Бул дары гомеопатиялык дарылардын катарына кирет. Мындай дарыларды колдонуу ден соолук үчүн өтө коркунучтуу жана пайдасыз.Сиздерге мындай дарыларды колдонууну таптакыр сунуштабайм. Себеби 2017-жылы Жалган илимге жана илимий изилдөөлөрдү бурмалоого каршы күрөшүү боюнча Россия илимдер академиясынын Президиумунун алдындагы Комиссия гомеопатия боюнча меморандум кабыл алган. Анда гомеопатия пайдасыз, адамдарды алдап, ден соолугун талкалоочу ыкмалар менен дарылоого арналган жалган илим деп таанылганы айтылган.